មជ្ឈមណ្ឌលកម្ពុជា ៤.០ សហការជាមួយ សហភាពសហព័ន្ធយុវជនកម្ពុជា បានបន្តរៀបចំវគ្គបណ្ដុះបណ្ដាលអក្ខរកម្មឌីជីថល ស្ដីពី «Cloud Storage» ដោយមានការគាំទ្រពីក្រសួងប្រៃសណីយ៍ និងទូរគមនាគមន៍ តាមរយៈគម្រោងមូលនិធិ ស.អ.។

ការបណ្ដុះបណ្ដាលនេះត្រូវបានរៀបចំឡើងនៅទីតាំងផ្ទាល់ ដោយមានការចូលរួមពីមន្រ្តីរាជការ និស្សិត បុគ្គលិកឯកជន ម្ចាស់អាជីវកម្ម និងភាគីពាក់ព័ន្ធជាច្រើន។

ក្នុងកម្មវិធីសិក្សានេះបានរួមបញ្ចូលទាំងទ្រឹស្ដី និងការអនុវត្តជាក់ស្ដែង (Hands-on Practice) ដើម្បីឱ្យសិក្ខាកាមយល់ដឹងកាន់តែច្បាស់អំពីការប្រើប្រាស់ Cloud Storage សម្រាប់ រក្សាទុក រៀបចំ គ្រប់គ្រង បម្រុងទុក និងចែករំលែកឯកសារ បានកាន់តែងាយស្រួល និងមានប្រសិទ្ធភាព។

តាមរយៈសកម្មភាពនេះ មជ្ឈមណ្ឌលកម្ពុជា ៤.០ មានគោលបំណងចូលរួមអភិវឌ្ឍចំណេះដឹង និងជំនាញឌីជីថលរបស់ប្រជាពលរដ្ឋ ស្របតាមកំណើនតម្រូវការនៃការប្រើប្រាស់បច្ចេកវិទ្យា និងរួមចំណែកជំរុញដំណើរការឌីជីថលូបនីយកម្មនៅកម្ពុជា។

#Cambodia4point0 #DigitalLiteracy #CloudStorage #អក្ខរកម្មឌីជីថល